La minnitta di Puddu

Cuomi sintìu tutti sti palori,

lu diu scinnìu tuttu ‘mphuriatu;

e di l’abbili cci scattava u cori,

ca a Gaminnuni l’avissi sbramatu.

Avìa l’arcu a la spadda, e a scattacori

currìa, cuomu un pazzu scatinatu.

Si mossi a na muntagna dda vicina

au campu di li Greci dda matina.

Paraju l’arcu e pigliaju la mira,

tirà na fleccia, ca scappà uzziannu.

Chiuvìanu flecci di matina a sira

‘ncapu li Greci, ca curpa un ci nn’annu.

Primu a li muli e a li cani iddu tira,

doppu l’uomini di birsagliu fannu.

Parìa lu tirassegnu di la fera

e di scanzarisilla spranza un c’era.

Di novi jorna li flecci chiuvìanu

au campu di li Greci disperati.

Li muorti a munzidduna si cuglìanu

e li timugni jeranu jisati;

mentri ca l’addumavanu chiancìanu

cu l’amici, cu li figli,ì e cu li frati.

Ma li flecci cadìanu ‘nesorabili

‘ncapu li testi di ddi miserabili.